Video/ Lionel Messi është më i miri i FIFA (Të gjitha çmimet)

Virgil Van Dijk mendohej favoriti për të qenë Lojtari më i mirë i FIFA the Best 2019, por hollandezi i Liverpool nuk e mundi dot argjentinasin e Barcellona, Lionel Messi. Ndoshta Cristiano Ronaldo e kishte parashikuar se nuk do të fitonte, duke preferuar të mos ishte në mbrëmje për të parë rivalin e tij të fitonte një tjetër trofe. Nuk kanë mjaftuar as 65 ndeshjet radhazi pa u dribluar1 asnjëherë që qendërmbrojtësi i Liverpool të mposhte kapitenin e Barcellona, që me këtë fitore e bën një mister Topin e Artë. Vitin e kaluar Modric i mori të gjithë trofetë deri në atë më prestigjoz, por Van Dijk nuk e bën dot, duke e bërë të paparashikueshëm trofeun e fundvitit.

Congratulations, #LeoMessi

Winner of #TheBest FIFA Men's Player 2019 ?#TheBest | #FIFAFootballAwards pic.twitter.com/MKh2wV5T1M — #TheBest ? (@FIFAcom) September 23, 2019

Për më të mirin e botës kanë votuar katër kategori: kapitenët e kombëtareve, trajnerët e kombëtareve, gazetarët dhe fansat. Secili ka pasur të drejtë të zgjedhë nga tre më të mirët, me të parin të vlerësuar me pesë pikë, të dytin me tri e të tretin me një. Kapiteni i Shqipërisë, Mërgim Mavraj, e ka vlerësuar me pesë pikë Cristiano Ronaldon, tre pikë Sadio Manen dhe një pikë Mohamed Salahun.

Derisa trajneri i Shqipërisë, Edoardo Reja, me pesë pikë e ka vlerësuar Mohamed Salahun, tri pikë Lionel Messin dhe një pikë Frankie De Jong. ÇMIMI FAIR-PLAY – MARCELO BIELSA Trajneri argjentinas, Marcelo Bielsa, tashmë në krye të Leeds United, mori çmimin “Fair-Play”, për faktin se në takimin ndaj Aston Villa sezonin e kaluar, i detyroi lojtarët e tij të linin një gol ndaj kundërshtarit, në kohën kur Leeds shënoi me një nga lojtarët e Villa të shtrirë në tokë i dëmtuar. FIFA e ka vlerësuar këtë gjest nga Bielsa. PORTIERJA MË E MIRË – VAN VENEDAL Portierja e Atletico Madrid, iu dorëzua çmimi nga Samuel Eto'o, pasi u zgjodh mbrojtësi ekstrem më e mirë e sezonit që lamë pas. Nominime të tjera për këtë çmim ishin edhe Endler dhe Lindahl. ÇMIMI TIFOZI MË I MIRË – SILVIA GRECO Mamaja braziliane, Silvia Greco, e njohur për të gjithë për faktin që shoqëron në stadium djalin e saj të verbër, tifoz të Palmeirasit, duke i treguar golat dhe rastet, për të ndihmuar të përjetojë ndeshjet e ekipit të zemrës.