Surpriza e javës së 5-të të Premier League erdhi nga Watford, e cila barazoi 2-2 një takim thuajse të humbur ndaj Arsenalit. Një rezultat që ka gëzuar edhe ish-aktoren e filmave për të rritur, Mia Khalifa, që ka zbuluar se duke nisur që prej ditës së sotme do të bëjë tifo për Watford.
“Nuk mund ta besoj se pashë një performancë të shkëlqyer të Watford kundër Arsenalit. Edhe pse një barazim ishte një ndjenjë elektrizuese. Unë kam vendosur tani që e verdha të jetë zyrtarisht ngjyra ime”, shkruan Khalifa.
Kohët e fundit, 26 vjeçarja ka zbuluar edhe shumën që ka fituar nga aktrimi i filmave për të rritur, prej të cilës tashmë ka hequr dorë.
“Njerëzit mendojnë se po kap me miliona nga pornoja. Plotësisht e pavërtetë. Unë bëra një total prej rreth 12,000 dollarë në industri dhe kurrë nuk pashë përsëri asnjë qindarkë pas kësaj. Vështirësia për të gjetur një punë normale pasi u largua nga pornografia ishte … e frikshme”, tregoi aktorja më e ndjekur e kësaj industrie të filmave.
Që nga largimi prej kësaj industrie, Khalifa është angazhuar me shfaqje sportive si “SportsBall” në Shtetet e Bashkuara të Amerikës dhe në rrjetin “Youtube” me titullin “Out of Bounds (jashtë kufijve)”.
