Rivendosja e dialogut mes Kosovës dhe Serbisë mund të ketë implikime të garës për ndikim në rajonin e Ballkanit Perëndimor të dy prej fuqive të mëdha, Shteteve të Bashkuara të Amerikës dhe Gjermanisë. Dialogu është pikërisht edhe prioriteti i qeverisë së re që do të formohet pas zgjedhjeve të parakoshshme në Kosovë pas zgjedhjeve të 6 tetorit.
Pas emërimit nga ana e SHBA-ve e zëvendës-ndihmës sekretarit amerikan të Shtetit, Metthew Palmer, në roli e Përfaqësuesit të Posaçëm amerikan për Ballkanin Perëndimor, nuk përjashtohet mundësia që edhe Gjermania të emërojë një emisar të posaçëm për ndërmjetësimin e procesit të dialogut mes dy fqinjëve konfliktualë. Megjithatë, këtë hipotezë nuk është komentuar nga asnjë përfaqësues i Gjermanisë në ambasadën e saj në Prishtinë.
Gjermania është rreshtuar në krahun e kundërshtarëve të fuqishëm të ndryshimit të kufijve në Ballkan, qendrim refraktar ky i shprehur disa herë nga kancelarja Angela Merkel. Sipas ekspertëve të politikës ndërkombëtare, përfshirja eventuale e Gjermanisë do të sillte një garë mes “të fortëve”. Ataq janë të mendimit se “rivaliteti” ka të bëjë me ambicien për të ushtruar ndikimin më të madh përmes projektit më të mirë për zgjidhjen e çështjes së Kosovës.
