Presidenti i Serbisë, Aleksandër Vuçiç, ka nisur vizitën e tij zyrtare në Vatikan, për t’i kërkuar kreut të Selisë së Shenjtë, Papa Françesku, mosnjohjen e pavarësisë së Kosovës.
“Unë shkoj te Papa në Vatikan për ta lutur që të mos e njohin Kosovën,” citohet të jetë shprehur për gazetarët kreu i shtetit serb së fundmi në Beograd.
Mësohet se Vuçiç do të do të pritet në Vatikan edhe nga Kardinal Peter Paroli.
Kjo deklaratë e Vuçiç mund të lexohet si një ndryshim strategjie pas pranimit të dështmit të planit të tij për realizimin e shkëmbimeve territoriale me Kosovën. Më herët, Vuçiç, në përgjigje të ultimatumit të kancelares gjermane, Angela Merkel, pranoi qëndrimin gjerman për çështjen e zgjidhjes së çështjes së Kosovës, me qëllim shmangien e pasojave të paralajmëruara.“Unë e di se nuk ka asgjë nga korrigjimi i kufirit. Sepse nuk kishte njerëz të guximshëm dhe racional që t’i kuptonin interesat serbe. Unë nuk jam në favor të pavarësisë së Kosovës brenda kufijve aktual, që i ka njohur Rada Trajkovic e Angela Merkel. Por idetë e mia kanë dështuar se populli ynë mendonte ndryshe bashkë me shumicën e botës”, është shprehur Vuçiç në një intervistë të muajit të shkuar për “Zërin e Amerikës”.
