Moderatorja Arbana Osmani dhe regjisori Eduart Grishaj po jetojnë një histori të bukur dashurie, për të cilën janë kthyer në kryefjalën e mediave.
Ata i shohim shpesh me pushime së bashku dhe nuk mungojnë në rrjete sociale komentet ngacmuese për njëri-tjetrin.
Arbana dhe Eduarti nuk ngurrojnë të shprehin publikisht ndjenjat dhe vlerësimin që kanë për njëri-tjetrin, duke tërhequr shpeshherë vëmendjen e të gjithëve.
Së fundmi, moderatorja ka publikuar një foto ku ka pozuar pranë kullës Eiffel në Paris dhe komenti i Eduartit është ai që i merr të gjitha pikët!
“Ja një rast kur kulla Eiffel është inferiore”- janë fjalët e Eduartit shoqëruar me një emoji me sytë me zemra.
Sigurisht që ky koment duket t’ia ketë bërë mal zemrën Arbanës, e cila nuk e ka dhënë veten në publik.
Ajo ia ka kthyer komentin me një emoji me gjuhën jashtë, ndërkohë që të shumtë kanë qenë ndjekësit që kanë pëlqyer komentin e Eduartit.
Kjo nuk është hera e parë që regjisori i lë Arbanës komente kaq të ëmbla.
