Legjislacioni, i nënshkruar në dhjetor, përfshin masa që lejojnë mijëra të burgosur federalë të largohen nga burgu më herët sesa ishte parashikuar.
“UNË E FIRMOSA LIGJIN, askush tjetër dhe Republikanët duhet të marrin më shumë merita. Por tani që ka kaluar, njerëz që nuk kishin virtualisht fare të bënin me të, po përgëzohen. Djem si muzikanti i mërzitshëm John Legend dhe gruaja e tij gojëndyrë, po flasin tani sesa e mrekullueshme është – por si kam marrë rrotull kur kishim nevojë që të miratohej.”- shkroi Trump në Twitter.
Dhe sigurisht që modelja, e cila njihet për mospëlqimin e saj ndaj presidentit, i ktheu një përgjigje:
“LOL çfarë bushtre. I bëri tag të gjithëve përveç meje. Një nder, zoti President.”
Në mënyrë më të përmbajtur ka reaguar dhe “muzikanti i mërzitshëm”.
“Imagino të jesh president i një shteti të tërë dhe ta kalosh mbrëmjen e së dielës duke parë me urrejte MSNBC dhe duke shpresuar se dikush- KUSHDO- do e lavdërojë. Melania të lutem lëvdoje këtë burrë. Ai ka nevojë për ty.”- është shprehur John.
