Katër ditë më parë në televizionet kombëtare u transmetua me pompozitet lajmi se Tirana ishte vlerësuar nga OKB si një nga qytetet me performancën më të mirë financiare. Lajmin e dhënë nga vetë kreu i Bashkisë së Tiranës nëpërmjet një sekuence filmike nga Vienna dhe një statusi të tij të gjithë mediat e transmetuan pa asnjë verifikim, ashtu sikurse ua kishte kumtuar Erion Veliaj.
Par mjaftoi puna e një reporteri të zakonshëm dhe dëshira bazike për të kuptuar të vërtetën për të nxjerrë bllof të gjithë mediat e mëdha. Faktoje.al, portali që zbuloi edhe faturat e kripura të hoteleve ku shkojnë ministrat tonë, tregoi sot se si ky vlerësim nga OKB është gënjeshtra e radhës e kryebashkiakut tonë, besnik i shprehjes vesi del me shpirtin.
Portali komunikoi me organizatorët e konferencës së përvitshme "Bridge for Cities 4.0", për të pyetur nëse gjatë kësaj konference ka pasur shpërndarje vlerësimesh apo çmimesh dhe nëse po a i është dhënë një i tillë kryetarit të bashksë së Tiranës Erjon Veliaj.
Nga shkëmbimi i e-maileve shpjegohet se OKB nuk ka dhënë asnjë çmim apo vlerësim. “Erion Veliaj ishte një nga folësit pjesëmarrës në një tryezë të rrumbullakët për kryetarët e bashkive dhe qyteti i Tiranës ra dakord të mbështesë deklaratën për të cilën bëhej eventi.” - thuhet në përgjigjen e organizatorëve të “Bridge for Cities 4.0”.
Nisur nga përgjigjja, kjo deklaratë e kryetarit të bashkisë Tiranë Erion Veliaj rrezulton e pavërtetë.
Por, televizionet kombëtare, altoparlantët e propagandës së lali Erit nuk ngurruan ta transmetonin njëzëri suksesin imagjinar në Vienë. Pikërisht për këtë ia vlen të shikohen kronikat e 6 shtatorit të Tv Klan, Top Channel dhe Vizion Plus më poshtë, ku stafet e mëdha të redaksive nuk vlejnë as sa puna e një reporteri që kërkon të vërtetën. ©Lapsi.al
https://youtu.be/0vhFtGAVpAI
https://youtu.be/SJIB693fCgc
https://youtu.be/1uKMFBt33r0
