Reperi Fetty Wap është arrestuar të dielën në Las Vegas pas një sulmi ndaj tre punonjësve të një hoteli.
28-vjeçari, emri i vërtetë i të cilit është Willie Maxwell, grushtoi punonjësit e Hotel Mirage pasi u përfshi në një debat me ta në parkim. Wap u mbajt për disa orë në paraburgim, për t’u lënë më pas i lirë. Ai do të paraqitet në gjykatë në tetor, për t’u përballur me tre akuza për sulm. Ky nuk është arrestimi i parë i Fetty Wap. Ai u arrestua në nëntor të vitit 2017 dhe u akuzua për drejtim të mjetit nën efektin e substancave narkotike.
Risjellim në vëmendje se reperi publikoi albumin e tij të fundit në vitin 2015, me këngën e tij “Trap Queen”, të nominuar për dy çmime Grammy.
