Pak ditë më parë në rrjet qarkulloi lajmi se Loredana dhe Mozzik ishin duke kaluar një krizë në marrëdhënien e tyre, ndërsa ditën e sotme ditëlindja e reperes ka konfirmuar gjithçka. Teksa ka festuar 24-vjetorin në orët e para të mëngjesit, Loredana ka publikuar disa video në llogarinë e saj në rrjetet sociale duke zbuluar pamjet e festës dhe tortën e ditëlindjes. Ajo çfarë bie në sy është mungesa e Mozzik pranë bashkëshortes së tij.
Nga ana tjetër reperi jo vetëm që nuk e ka uruar partneren e tij publikisht ashtu si çdo herë tjetër, por ka publikuar një ‘selfie’ në ‘Instagram’ duke i konfirmuar në këtë mënyrë zërat e qarkulluar deri më sot në rrjet.
Nuk dihet nëse kjo është një zënkë momentale e dyshes apo diçka definitive, por kjo pritet të zbulohet në javët në vazhdim nga vetë ata. Kujtojmë se Loredana dhe Mozzik janë prindër të një vajze të vogël të quajtur Hana.
