Ylli i reality show “Love Island”, Theo Campbell ka humbur shikimin në syrin e djathtë pasi u godit nga tapa e një shampanje. Ai ishte me pushime në Ibiza kur ndodhi incidenti.
Mediat e huaja raportojnë se Theo shkoi me urgjencë në spital dhe bëri një ndërhyrje kirurgjikale. Me anë të një postimi në Instagram, ai zbuloi se si ndodhi e gjithë ngjarja.
“Bëra dy ndërhyrje kirurgjikale në sy pas një aksidenti të pafat, kam humbur shikimin në syrin tim të djathtë. Kush mund ta mendonte se tapa e shampanjës do sillte fundin për mua? Por sërish më ka mbetur syri i majtë, kjo është ana e mirë e së gjithës”, shkruajti ai.
Shkrimin e shoqëroi me një fotografi nga spitali me të dashurën e tij Kaz Crossley, e cila ka marrë pjesë në disa seri të “Love Island”.
Një dëshmitar tha për OK!: Theo ishte në pushime në Ibiza kur dikush hapi shishen e shampanjës dhe tapa ra në syrin e tij. Njerëzit po bërtisnin kur kuptuan se cfarë ndodhi dhe panë gjendjen e syrit të tij. Një prej djemve thoshte se dukej sikur syri i tij kishte shpërthyer.
Theo Campbell mori pjesë në shfaqjen “Love Island” në vitin 2017 dhe u konsiderua si një prej meshkujve më seksi.
