Belen Rodriguez dhe Stefano De Martino u kurorëzuan për herë të parë me martesë më 20 shtator të vitit 2013, mirëpo pas problemeve të shumta, ata u ndanë për të vazhduar jetët e tyre.
Megjithatë së fundmi, çifti u bashkua sërish dhe përveç lajmeve të shumta që qarkulluan në rrjet, ata vetë e konfirmuan lajmin e ribashkimit duke publikuar foto së bashku.
Ata janë rikthyer aty ku e kishin lënë dhe me siguri më i lumturi nga të gjithë duhet të jetë vogëlushi i tyre Santi, i cili duket se tashmë do të bëhet me motër.
Fotoja e fundit e Belen Rodriguez në profilin e saj në Instagram ka ngritur dyshime të mëdha tek ndjekësit, të cilët besojnë se moderatorja është shtatzënë për herë të dytë.
Kjo për faktin se Santi ka pozuar në shtratin e një foshnjeje ku lexohet emri “Penelope”.
Komentuesit mendojnë se moderatorja e ka bërë gati shtratin për foshnjën numër 2, e cila ka gjasa të jetë vajzë e të quhet Penelope.
Megjithatë, ende nuk ka asnjë konfirmim nga çifti në lidhje me lajmin e shtatzënisë.
