Arkeologët në Peru kanë zbuluar një varr masiv me trupa fëmijësh.Trupat e 227 fëmijëve të moshës 5-14 vjeç u gjetën afër qytetit bregdetar të Huanchaco, në veri të kryeqytetit të Perusë. Mendohet se ata janë flijuar mbi 500 vite më parë. Zbulimi vjen gati një vit pasi 200 fëmijë, viktima të sakrificës njerëzore, u gjetën në dy vende të tjera në Peru.
Arkeologët thanë se disa nga trupat e gjetur së fundmi kishin ende flokë dhe lëkurë. Fëmijët u vranë gjatë një periudhe me mot të lagësht dhe u varrosën përballë detit. Ata u sakrifikuan për të qetësuar perënditë e Chimú. Chimú ishte ngritur përgjatë bregdetit verior të Perusë dhe ishin një nga qytetërimet më të fuqishme të rajonit.
