Miley Cyrus ka nisur provat për performancën e saj në “VMA’s” dhe sipas raportimeve të “UsWeekly” e dashura e shumëpërfolur e saj, Kaitlynn Carter, ka qenë pranë saj. Miley do të performojë këngën e saj më të re, “Slide Away” gjë që do të shënojë paraqitjen e saj të parë skenike pas ndarjes nga Liam Hemsworth. Edhe pse këngëtarja e njohur ende nuk e ka konfirmuar inspirimin e saj për këngën e re, shumë besojnë se ka të bëjë me ndarjen e bujshme nga bashkëshorti. Lidhja e saj me Kaitlynn mesa duket vazhdon të jetë e fortë si më parë dhe ndoshta po bëhet diçka zyrtare, pavarësisht se u tha se mes tyre kishte vetëm një “shoqëri romantike”. Miley nuk po e kalon shumë mirë këtë periudhë ndarjeje, megjithatë e dashura e saj e re e ka mbështetur në çdo moment.
