Ariana Grande u tha fansave se ishte e tronditur dhe nervoze pas rikthimit në Manchester për herë të parë që nga sulmi terrorist i 2017.
Fansat brohorisnin emrin e saj pas performancës në Manchester Pride të dielën.
Policia e armatosur patrulloi jashtë zonës së koncertit. Performanca e Grandes erdhi 2 vite pasi një kamikaz vrau 22 persona pas koncertit të saj në Manchester Arena.
“Manchester ka një vend shumë të veçantë në zemrën time,”-u shpreh ylli i popit.
Ndërsa i tha turmës së fansave: “Jam e lumtur që jam me ju. Jam kaq nervoze. Kam shumë për të thënë por jam e tronditur. Ju falënderoj.”
Ariana Grande filloi performancën e saj 35 minutëshe me këngën No Tears Left To Cry. Kjo është kënga e saj e parë që publikoi pas sulmit terrorist duke dhuruar çaste emocionuese për fansat e saj, si edhe për veten.
