Eshtë ndarë nga jeta sot regjisori Gjergj Xhuvani.
Gjergji ndërroi jetë sot nga një atak në zemër. Ai ndodhej në Itali për xhirimet e filmit të tij të ri, dhe një natë më para kishin festuar për mbylljen e xhirimeve. Ai u gjet pa ndjenja në dhomën e hotelit ku po qëndronte. I njohur për krijimtarinë e tij kinematografike, këtë vit pritej dhe premiera e filmit të tij të ri 'Liqeni im'.
Gjergj Xhuvani lindi në vitin 1963 në Tiranë.
Në vitin 1986 u diplomua në Akademin e Arteve në Tiranë dega Artet dramatike. Që nga viti 1986 deri në vitin 1990, ai punoi si asistent regjisor në shumë filma dhe në vitin 1991 realizoi filmin e tij të parë “Bardhë e zi”. Autori i filmave të suksesshëm pas viteve ‘90, ndër të cilët “Lindje, Perëndim, Lindje”, “I dashur Armik” dhe “Dashuria e Fundit”.
Disa nga prodhimet e tij si regjisor:
Në kërkim të kujt – (2011) telefilm me 5 seri
Lindje, perëndim, lindje – (2008)
I dashur armik – (2004)
Parullat -(2001)
Funeral Business – (1999)
Dashuria e fundit – (1995)
Një ditë nga një jetë – (1994)
E diela e fundit – (1993)
Gjergj ishte i martuar prej vitesh me aktoren shqiptare Luiza Xhuvani. Ata kanë dhe një djalë së bashku, Kostandin Xhuvani.
