“Home Alone” do të ketë një ribërje e destinuar në Disney+ dhe fansat e filmit kult me protagonist Macaulay Culkin nuk kanë reagime pozitive për këtë projekt.
Në rrjetet sociale kjo zgjedhje është kritikuar për shkak të tendencës së Disney për të realizuar ribërje live-action të sukseseve të mëdha që kjo kompani ka të drejtat.
Ideja e një filmi të ri “Home Alone”, ku djaloshi harrohet në shtëpi nga familja e tij para pushimeve është pothuajse absurde duke konsideruar përdorimin e teknologjisë dhe mundësitë e panumërta për të rënë në kontakt me familjen e tij.
