Gazetarja e sportit Ilda Bejleri nuk është menduar shumë për të replikuar kur ka dëgjuar deklaratën e Dritan Shakohoxhës për largimin e saj nga puna. Edhe pse në Greqi duke shijuar pushimet, Ilda ka bërë një reagim të shkurtër në rrjetet sociale.
“Nga puna të marrin dhe të heqin pronarët dhe jo komentatorët e ndeshjeve” - shkruan Ilda që e shoqëron këtë deklaratë me një emoji të qeshure me lot.
I ftuar në emisionin “Pushime on top”, Shakohoxha tha se ishte ai që e kishte futur Ildën në televizion dhe po ai vendosi që ta largonte.
“Mbase nuk e përjetoi mirë lajmin që i dhashë, por unë jam trajner, përveçse brigadier dhe në periudhën e verës rikompozojmë skuadrën. Në gjithë këto vite kanë hyrë dhe kanë dalë nga kjo skuadër shumë personazhe dhe kanë vazhduar karrierën e tyre diku tjetër.
LEXO EDHE: Flet për herë të parë Shakohoxha: Pse vendosëm të largojmë Ilda Bejlerin nga Digitalb
Unë vetë e kam marrë në fillim në televizion bashkë me çunat e stafit dhe po ne vendosëm, që mund të shihte opsion në një kanal tjetër. E përjetoi me shumë emocion largimin nga Digjitalb, po ne kemi qenë ato që i kemi dhënë mundësinë dhe ajo e ka shfrytëzuar shumë mirë dhe ka punuar si profesioniste, por jemi prapë ne që do e ndërrojmë” – tha Shako. ©LAPSi.al
