Një tjetër ceremoni dasme për çiftin Heidi Klum, 46 vjeçe dhe Tom Kaulitz, 26 vjeç, vetëm se këtë herë nuk e fshehën dot!
Ata u martuan për herë të dytë në një jaht luksoz në Capri, shkruan “The Sun”, gjashtë muaj pas ceremonisë së fshehtë në Los Angeles.
Modelja 46-vjeçare kishte veshur një fustan të bardhë nusërie, teksa pranë saj qëndronte Tom Kaulitz, i veshur me një xhaketë jeshile dhe pantallona të bardha.
Pranë çiftit qëndronin edhe katër fëmijët e Heidit, Helene, 15 vjeç, Henry, 14 vjeç, Johan, 12 vjeç dhe Lou, 9 vjeç.
Heidi ndau me ndjekësit disa imazhe në rrjete sociale, ku shkruan “Unë i thash PO!”.
Modelja 46-vjeçare dhe partneri i saj 29 vjeç u panë për herë të parë së bashku si çift në publik në eventin ‘amFAR Gala’, vitin e kaluar.
Kujtojmë se kjo është martesa e tretë për modelen Heidi Klum, e cila më herët ka treguar se nuk e vret mendjen aspak për moshën e partnerit të saj.
