Falë arkëtimeve të “Aladdin”, “Toy Story 4”, ”The Lion King” dhe mbi të gjithë “Avengers: Endgame”, Disney vendosi një rekord të ri arkëtimesh për një studio kinematografike përgjatë një viti.
Pas kësaj fundjavë, Disney kaloi kuotën e 7.67 miliardë dollarëve në të gjithë botën, duke kaluar rekordin e tij prej 7.61 miliardësh në vitin 2016.
Rezultati është veçanërisht i rëndësishëm duke pasur parasysh se jemi akoma vetëm në korrik dhe mbi të gjitha që Disney ka ende tre ase në mëngë për t’u marrë parasysh; “Frozen 2”, “Maleficent 2” dhe padyshim “Star Wars : Rise of Skywalker”, të gjitha me premierë në fund të vitit.
