Të tjera lëkundje tërmeti janë regjistruar në zonën e Korçës.
Sipas Qendrës Sizmike Evropiane, tërmeti ka qenë me magnitudë 4.4 të shkallës Rihter dhe është ndjerë pasdrekën e sotme rreth orës 16:21 në jugperëndim të Bilishtit.
Lëkundjet e fuqishme të tërmetit kanë shkaktuar panik tek banorët, të cilët janë larguar të frikësuar nga shtëpitë.
Nga tërmetet e fuqishme të muajit qershor, Emergjencat Civile njoftonin se 100 shtëpi, nga të cilat 50 të vjetra dhe të pabanuara, janë dëmtuar. Fshatrat më të prekur në bilancin e dëmeve, rezultojnë Floqi, Dvoran, Qafëzezë dhe Vidohovë.
