Ashtu sikurse pritej dhe u paralajmërua, nbështetës të Partisë Demokratike janë mbledhur në sheshin para Bashkisë së Kavajës, teksa pritet të nisë mbledhja për konstituimin e këshillit të ri bashkiak, të dalë nga zgjedhjet vendore të 30 qershorit.
Kryebashkiaku ende në detyrë, Isa Sakja ka deklaruar se “sot është një ditë e zakonshme pune” dhe se do të vijojë të qendrojë në zyrë, duke u vënë në shërbim të qytetarëve. Vendosmërinë e tij për të vazhduar detyrën në cilësinë e kryebashkiakut, Sakja e argumenton me numrin e ulët të pjesëmarrësve në lokalet e 30 qershorit, ku vetëm 5% e qytetarëve të Kavajës u janë drejtuar kutive të votimit.
Ndërkohë, në Kavajë pritet që të mbërrijnë sot edhe ish-ministri i Financave, Arben Ahmetaj dhe zëdhënësja e qeverisë, Elisa Spiropali. Ndërsa, betimi i kryebashkiakut të ri, Redjan Krali, parashikohet të bëhet në godinën e prefektit, për të shmangur përplasjet e mundshme me simpatizantët e PD-së.
[video width="848" height="464" mp4="https://cdnimpuls.com/lapsi.al/wp-content/uploads/2019/07/WhatsApp-Video-2019-07-30-at-10.24.09.mp4"][/video]
