Kreu i Partisë Demokratike, Lulzim Basha, në një reagim të radhës për çështjen e Teatrit Kombëtar, ka akuzuar sërish kryeministrin Edi Rama, se “po përdor e keqpërdor këdo që i del para për të mbrojtur aferën Rama-Veliaj- Mafia të 6 kullave 200 milionë euro”.
Në një status të publikuar në llogarinë e tij zyrtare në “Facebook”, Basha ka postuar bashkëngjitur një video të asaj që e quan “plani Rama-Veliaj-Mafia i Ndërtimit dhe Drogës për 6 kullat 200 milionë euro”, që sipas kryedemokratit është arsyeja e vetme për shembjen e godinës së TK-së.
Postimi i Bashës
Hajduti psiqik Rama vazhdon të përdorë e keqpërdorë këdo që i del para për të mbrojtur aferën Rama-Veliaj- Mafia të 6 kullave 200 milionë euro.
Pa kullat nuk ka asnjë interes për teatër të ri. Afera Rama-Veliaj-Mafia po bën pis dhe hedh dyshime korrupsioni financiar mbi këdo që përdoret dhe nuk distancohet nga kjo aferë e tmerrshme kriminale dhe hajdutërore. Sepse gjoja debati për Teatrin Kombëtar është në fakt për 6 kullat e për të futur në xhep 200 mln euro, dhe jo për Teatrin. Sepse për Rama-Veliaj-Mafian e Ndërtimit dhe të Drogës nuk ka Teatër pa kulla.
Për këdo të painformuar apo të keqinformuar po postoj më poshtë përshkrimin grafik të planit Rama-Veliaj-Mafia e Ndërtimit dhe Drogës për 6 kullat 200 milionë euro, arsyeja e vetme për prishjen e Teatrit Kombëtar:
https://www.facebook.com/lulzimbasha.al/videos/356537341657164/?v=356537341657164
