Në orët e para të mëngjesit të së dielës, llogaria në Twitter e Jessica Alba-s shpërndau disa mesazhe dhe statuse të papërshtatshme.
Fotot që i janë bërë këtyre statueseve, sepse janë të fshira, tregojnë disa fraza raciste, homofobike, madje dhe anti-semitike (kundër hebrenjve), të gjitha të shpërndara në emrin e Albas
Ndër të tjera, tweet-et në llogarinë e saj, lavdëronin Hitlerin dhe i vinin faj për 11 shtatorin homoseksualëve, por megjithatë fansat dhe ndjekësit e kanë kuptuar menjëherë që aktorja është hackuar. Tani që ka kaluar më shumë se një ditë, këto statuse janë fshirë, skuadra e menaxhimit të Jessica-s duket se e ka marrë në dorë situatën, megjithatë si nga ata, edhe nga vetë aktorja nuk ka ende një koment, paçka se është konfirmaur se bëhej fjalë për një sulm kibernetik.
Ndërkohë të shumta kanë qenë reagimet në Twitter nga përdoruesit e këtij rrjeti social, jo vetëm për faktin që Jessica është një nga personat më pozitivë dhe të paqtë në Hollywood dhe nuk e meritonte diçka të tillë, por kryesisht sepse gjatë kohës që në Twitter bëhej nami me emrin e saj, ajo em shumë mundësi ishte në gjumë dhe nuk dinte gjë fare.
