Brunilda Lahe finalizoi edhe një tjetër sezon në këtë emision, duke përmbyllur një cikël me shumë personazhe të thjeshtë, por siç shprehet dhe ajo u bënë të njohur falë stilit dhe talentit.
Gjithsesi, vitin tjetër atë nuk do e shohim në ekran, dhe arsyen e ka shpjeguar vetë Brunilda: takimi me beben që pas disa muajsh do të sjellë në jetë.
“Arsyen përse nuk do të jem në sezonin që pason në moderimin e “My Living” zgjodha ta ndaja së pari me shikuesin e programit që e dua shumë dhe i jam përkushtuar pa rezerva. Për 4 vjet me “My Living” kam takuar njerëz të mrekullueshëm, të cilët më kanë mësuar shumë. Kam takuar njerëz të thjeshtë, por që u bënë personazhe të njohur falë stilit apo talentit që kishin. Takimet me ta më kanë pasuruar. Këtë vit Living mbaroi dhe në sezonin e ardhshëm do të ketë ndryshime. Unë do takoj dikë tjetër që do mësojë edhe më shumë. Do të takoj një krijesë të mrekullueshme e cila do më lumturojë në jetën time. Takimi me të është gjëja më e jashtëzakonshme që po më ndodh! Është bebja që pas disa muajsh do ta sjell në jetë. Ju uroj të gjithëve lumturi dhe pushime të gëzuara! Mirë u takofshim!”- ka treguar moderatorja e emocionuar.
