Kryeministri Edi Rama ka reaguar sërish ditën e sotme lidhur me përshkallëzimin e tensioneve të ndodhura dje në sheshin e Teatrit Kombëtar, ku pati përplasjeve fizike mes forcave policore me qytetarët protestues dhe komunitetit të artistëve në qendresën kundër shembjes së godinës.
Teksa një ditë më parë i cilësoi si “minorancë” opozitën e bashkuar joparlamentare dhe artistët, duke theksuar se nuk do të tërhiqej nga projekti për ndërtimin e Teatrit të ri, kreu i qeverisë shkruante pak orë më parë në një postim tijin “Zoti u shtoftë inatin, që të na shtojnë takatin”, duke nënkuptuar këmbënguljen dhe vendosmërinë për të vijuar me shembjen e TK-së.
Ndërsa, në një postim të radhës në "Facebook, duke iu referuar shprehjes së shkrimtarit brazilian, Paulo Coelhos, Rama flet për njerëz që jetojnë gjithmonë në luftë me të tjerët dhe veten, e kjo, sipas tij i bën të shpikin vepra teatrale imagjinare.
Më tej në statusin e tij, kreu i qeverisë akuzon kryedemokratin Lulzim Basha, i cili qe iu bashkua dje artistëve dhe qytetarëve në protestën në mbrojtje të godinës ekzistuese të TK-së.
Postimi i Ramës:
Disa persona jetojnë vazhdimisht në luftë me të tjerët, me vetveten, me jetën e tyre!
Për këtë arsye shpikin vepra teatrale imagjinare, skenarin e të cilave e përshtasin me sikletet e tyre.
Paulo Coelho
