Edhe këtë vit do të vijë sërish festivali i shumëpritur “Sunny Hill” i organizuar nga babai i Dua Lipës, Dukagjin Lipa.
Javët e fundit ata kanë zbuluar se cilët do të jenë këngëtarët e famshëm pjesëmarrës në këtë festival ku përfshihen emra të njohur të muzikës ndërkombëtare, Calvin Harris, Gashi, Miley Cyrus, Dua Lipa e shumë të tjerë.
Falë një interviste, Dukagjin Lipa tregoi se dy prej artisteve shumë të dashura të publikut shqiptar nuk do të jenë pjesë e evenimentit. Bëhet fjalë për Bebe Rexhën dhe Rita Orën të cilat kanë refuzuar ftesën për të performuar në Kosovë. “Sunny Hill Festival” do të mbahet në datat 2,3 dhe 4 gusht në Prishtinë.
