Aktori Guljelm Radoja ka folur këtë të enjte në tubimin që kanë mbajtur qytetarët dhe artistët në mbrojtje të godinës së Teatrit Kombëtar. Radoja i është drejtuar aktorit të mirënjohur Robert Ndrenika, duke e pyetur se përse ai e shiti veten, duke pranuar që Teatri të shembej, një kthesë të cilën Ndrenika e mori vitin e kaluar, në një kohë kur debati për Teatrin ishte në kulmin e tij.
“Një nga kolegët e mi i tha dikujt se “unë shkela mbi dinjitetin tim”. Pse shkele? A ka gjë më të madhe se dinjiteti? Secili prej nesh kur lan faqet në mëngjes shikon veten dhe thotë një fjalë: “Ç’bëra dje?! Sa dinjtioz qeshë dje. Pse isha qesharak dje, dhe lashë të shkelet mbi dinjitetin tim. Për çfarë? Përse u shite miku im?! Përse u shite kolegu im? Çfarë pakti bëre me djallin që shkele mbi dinjitetin?”, - tha aktori. ©LAPSI.al
