Kreu i Partisë Demokratike, Lulzim Basha, i është bashkuar qendresës së qytetarëve dhe të artistëve të shumtë kundër shembjes së godinës së Teatrit Kombëtar.
Gjatë fjalës së tij për mediat, shefi i selisë blu tha se shembja e Teatrit është një projekt kriminal, që shërben për të pastruar paratë e drogës.
“Është një projekt grabitje, një projekt kriminal. Qëllimi është grabitja e kësaj toke dhe për të pastruar paratë e drogës, me një arkitekt të dënuar në Itali. Është për t’i rrëmbyer kryeqyteti Teatrin Kombëtar dhe për të pasuruar Edi Ramën dhe për të pastruar paratë e drogës. Teatrin e kanë mbrojtur aktorët. Jemi këtu për të ndaluar këtë grabitje kriminale. Kjo që po ndodh sot me Teatrin, nesër do ndodhë tek shtëpinë e shqiptarëve”, është shprehur Basha.
