Kryeministri Edi Rama ka reaguar në lidhje me përshkallëzimin e tensioneve në sheshin e Teatrit Kombëtar, ku me dhjetra qytetarë dhe artistë patën përplasje fizike me forcat policore.
Në një postim tijin në llogarinë e tij zyrtare në “Twitter”, Rama deklaraon se nuk do të tërhiqet nga projekti për Teatrin e ri “që do të ndërtohet si plan e përgjegjësi qeverisëse”, pavarësisht çdo qëndrese.
Postimi i Ramës:
Asnjë minorancë nuk mund të marrë peng asgjë e askënd në këtë vend. Megjithë respektin për një minorancë aktorësh teatri dhe politikanësh që s’kanë hyrë kurrë në teatër, po janë mësuar të bëjnë teatër me çdo gjë,Teatri i ri Kombëtar do të ndërtohet si plan e përgjegjësi qeverisëse
Teatrin e ri Kombëtar e kërkon kryeqyteti, vendi, kombi e shumica e komunitetit të artistëve të skenës.Njësoj si Stadiumi i Ri kombëtar ai do të jetë një gur kilometrik në rrugën e Shqipërisë që duam. Kush s’është dakord është i respektuar, po s’ka as mandat as të drejtë të pengojë.
