Gjykata e Tiranës ka njohur vlefshmërinë e mandatit të dytë të Erion Veliaj në krye të Bashkisë së Tiranës.
Siç parashikohet nga procedurat përkatëse, pas betimit që pritet të bëhet në mbledhjen e parë të Këshillit Bashkiak, Veliaj risnis edhe zyrtarisht rrugëtimin si kryebashkiak për katër vitet e ardhshme.
Ndërkohë, pritet që brenda kësaj jave, gjykata t’i hapë rrugë konstituimit edhe të Këshillit Bashkiak, me qëllim nisjen e punën normalisht.
Veliaj kandidoi në zgjedhjet vendore të 30 qershorit përballë kandidatit të Bindjes Demokratike, Arben Skënderajt, të cilin e mundi me një diferencë të thellë votash. Duhet theksuar se opozita e bashkuar joparlamentare, nuk mori pjesë në këto zgjedhje, që u zhvilluan po ashtu në shkelje të vendimit të kreut të shtetit, Ilir Meta, i cili çdekretoi 30 qershorin si datë të paracaktuar për mbajtjen e zgjedhjeve lokale.
