Dalin detaje të reja nga vrasja e 20-vjeçares shqiptare Sabrina Lekaj, studente në Universitetin “South Australia”. Ajo u gjet e pajetë në makinën e saj në qytetin Adelaide ndërsa për krimin është arrestuar babai i saj, Petrit Lekaj. Dyshimet janë se ai e ka goditur me thikë pas një sherri sepse vajza kishte qëndruar deri natën vonë me shoqet e saj në një festë.
Sabrina do të mbahet mend si një studente ambicioze dhe me shumë talent, sidomos në piano. Policia i gjeti babë e bijë brenda në makinën e tyre tip Mercedes. Të dy kishin plagë me thikë. Dyshohet se pasi goditi vajzën e tij, 49-vjeçari Lekaj ka qëlluar edhe mbi veten. Policia australiane nxori një deklaratë ku shprehej se ndaj autorit është ngritur një akuzë për vrasje.
Ai është ende duke u trajtuar në spital nën mbikëqyrjen e policisë pasi ka plagë thike në bark. Të premten do të ketë një seancë paraprake gjyqësore. Një nga mikeshat e vajzës, i tha ABC Neës se vdekja ishte një tragjedi që i kishte shokuar të gjithë.
“Gjatë shkollës ne kemi qenë shumë të afërta dhe kemi bërë shumë gjëra bashkë. Të dyja e donim muzikën dhe ajo ishte një pianiste e mrekullueshme. Ne kemi marrë pjesë në konkurse së bashku. Sabrina ishte një person i person i jashtëzakonshëm, e ëmbël dhe gazmore” – tha Jana Fandi, shoqe e saj. ©LAPSI.al
[caption id="" align="alignnone" width="656"]
Sabrina në festën e fundit
