Kreu i selisë blu, Lulzim Basha do të merret në pyetje ditën e enjte lidhur me çështjen e “Toyota Yaris” ndërsa të pranishëm do të jenë edhe katër prokurorë belgë.
Basha do të pyetet lidhur me çështjen e “Toyota Yaris”, për të cilën po kryehen hetime edhe në shtetin Belg.
Marrja në pyetje e kryedemokratit është bërë me kërkesë të palës belge.
Kujtojmë se hetimi po bëhet lidhur me aksionin e bllokimit të sasive të eurove, ndodhur më 24 qershor të 2018, ndërsa eurot me prerje të ndryshme ishin fshehur në një makinë tip “Toyota Yaris” pa targa.
Në Shqipëri u arrestuan 4 persona, Edi Lika, Klevi Lika, Agim Ceka dhe Alban Mollaymeri, ndërsa të proceduar në Belgjikë janë Alfred Vladi, Elvis Vladi, Edi Lika, Agim Ceka, Alban Mollaymeri, Niman Nimani, Alman Nimani, Albana Vladi, Arianit Nimani, Drita Sopo dhe Driton Hakaj.
