Ed Sheeran kujdeset shumë për privatësinë e tij dhe nuk është kursyer për të vënë barriera. Këngëtari britanik ka shpenzuar rreth 4 milionë paund për të blerë dy banesa pranë vilës së tij londineze. “Kur pati mundësinë për të blerë shtëpitë rreth tij, e bëri. Në këtë mënyrë nuk do të ankohet njeri për zhurmat prej muzikës apo për festat që mund të organizojë”, -tha një burim për “Sun”.
Me të njëjtën logjikë bleu dhe apartamentin sipër restorantit që ka në pronësi, në Notting Hill.
Sipas medies, Sheeran shoi që në fillim diskutimet e mundshme që mund të lindnin. Projekti për shtëpinë në Suffolk doli jashtë planimetrisë dhe fqinjët donin të kalonin në rrugë ligjore.
