Kryeministri Edi Rama ka publikuar sërish foto nga aksioni kundër informalitetit të shtrirë në të gjithë vendin.
Në një postim në llogarinë e tij zyrtare në “Facebook”, Rama ka ndarë me ndjekësit një galeri fotosh të subjekteve të bllokuara, pasi ushtronin aktivitetin e tyre në kundërshtim me ligjin “dhe në dëm të konkurrencës dhe konsumatortit”.
Sipas kreut të qeverisë, koha e përfitimit abuziv ka marrë fund dhe ka paralajmeruar se të njejtin fund do të kenë të gjithë subjektet e tjera abuzive.
Në kuadër të aksionit kundër informalitetit, pak ditë më parë, Rama shkarkoi nga detyra ish-Drejtorin e Përgjithshëm të Tatimeve, Enton Duron, me arsyetimin se përkundër pritshmërive, nuk kishte përmirësuar rezultatin e grumbullimit të të ardhurave buxhetore, edhe pse të dhënat e publikuara së fundmi nga ministria e Financave, tregonin qartazi se përgjegjëse për “gropën” e krijuar në buxhet për shkak të mosrealizimit të planit, është Drejtoria e Doganave.
Postimi i Ramës
#STOPINFORMALITETIT✋
Nga Velipoja deri në Ksamil vijojnë bllokimet ligjore të subjekteve që akoma s’e kanë marrë vesh, se koha e përfitimeve abuzive në dëm të konkurencës e të konsumatorit ka mbaruar #ZeroTolerancë?
