4 emigrantë shqiptarë janë kapur nga policia e emigracionit teksa po përpiqeshin të kalonin ilegalisht kufirin për në Britani të futur në disa kuti.
Tabloidi britanik “Daily Mail” ka publikuar historinë e trishtë të katër shqiptarëve të cilët tentuan të trafikohen ilegalisht brenda kutive të kartonit për të kaluar në anën angleze të Eurotunelit, duke paguar tek trafikantët nga 700 euro për person.
Policia britanike e emigracionit, bëri me dije se një prej katër shqiptarëve që u kapën ishte Vladimir Tollumi, 39 vjeç, i cili ndodhej në Britani në mënyrë të ligjshme.
