Ka përfunduar aventura e dy të arratisurve shqiptarë nga burgu i Cassandra-s në Halkidhiki. Dy të burgosurit shqiptarë, të dënuar me burgim të përjetshëm, që u arratisën të martën nga institucioni i vuajtjes së dënimit, janë kapur ditën e sotme nga autoritetet e vendit fqinj.
Forcat policore kanë identifikuar dy të arratisurit mëngjesin e kësaj të shtune në Efpaliou Fokis, në një zonë pyjore të fshehur në një plantacion me kanabis.
Të ndaluarëv iu gjetën armë kallashnikovi dhe granata. Sipas policisë greke EL.AS., të dy të arrestuarit nuk u paraqitën në evidencën e mëngjesit të datës 16 korrik, që çoi në nisjen e menjëhershmetë kërkimit.
