Partia Socialiste nuk e ka apeluar vendimin e Gjykatës së Durrësit për mosmandatimin e Valbona Sakos në postin e kryebashkiakes, e cila u shpall fituese në përballjen e zgjedhjeve vendore kundrejt Valbona Sakollarit të Partisë “Bindja Demokratike”.
Në vend të apelimit, PS ka zgjedhur të rishqyrtojë çështjen në një proces tjetër me një gjykatës të ri.
Mësohet se PS ka bërë dje dorëzimin dhe regjistrimin e padisë me objekt: “vërtetimin e mandatit të Bashkisë Durrës për Valbona Sakon”.
Seanca po zhvillohet në këto momente dhe me shumë gjasa, gjykatësi i ri, Shpëtim Reka, do të çertifikojë mandatin e Valbona Sakos.
Në vendimin e dhënë, gjykata ka argumentuar se procesi zgjedhor i 30 qershorit nuk është i ligjshëm, pasi Bindja Demokratike është regjistruar jashtë afatit zyrtar, “duke i bërë zgjedhjet nul”.
