Kryeministri i Kosovës, Ramush Haradinaj ka dhënë dorëheqjen nga pozicioni i kreut të qeverisë.
Shkak është bërë thirrja për t’u marrë në pyetje nga Gjykata Speciale që po heton përfshirjen e drejtuesve të UÇK-së në krime të mundshme gjatë luftës.
Haradinaj tha pas mbledhjes së qeverisë së Kosovës se dorëheqja është e parevokueshme, pasi dëshiron të shkojë si qytetar i lirë përpara Gjykatës Speciale.
“Arsyeja është se jam ftuar që të intervistohem nga Gjykata Speciale. Kam vlerësuar se nuk mundem të paraqitem si kryetar i qeverisë por si një qytetar për të ruajtur nderin e kryetarit të qeverisë dhe ndaj kam marrë këtë vendim”, tha midis të tjerash Haradinaj përpara gazetarëve.
