Kryetari i Partisë Demokratike, Lulzim Basha, ka reaguar pas vendimit të Gjykatës së Durrësit për mosnjohjen e mandatit të kandidates së Partisë Socialiste për Bashkinë e Durrësit, Valbona Sako.
Në një postim të publikuar në llogarinë e tij zyrtare në “Facebook”, kryedemokrati shkruan se “Farsa e 30 qershorit ishte masakër e Kushtetutës, e ligjit dhe e standarteve”.
Postimi i Bashës:
"Farsa e 30 qershorit ishte masakër e Kushtetutës, e ligjit dhe e standarteve. Dua të përshëndes vendimin e Gjykatës së Durrësit, i cili sjell shpresë se në këtë vend ka gjyqtarë e gjyqtare që e kanë të shenjtë Kushtetutën dhe ligjin, se ka shërbyes civilë me kurajo dhe ndërgjegje që i shërbejnë shtetit të së drejtës dhe jo shtetit partiak."- shkruan Basha që shton se farsa e 30 qershorit është një grusht kriminal institucional i Edi Ramës.
"Farsa e 30 qershorit është një grusht kriminal institucional i Edi Ramës, përmes të cilit ai uzurpoi pushtetin vendor, por edhe KQZ-në dhe gjithë sistemin e administrimit të zgjedhjeve përfshi kolegjin zgjedhor. Të gjithë ata që u bënë pjesë e këtij grushti kriminal institucional, të gjithë ata që i shërbyen Edi Ramës për të dhunuar Kushtetutën dhe ligjin me 30 qershor, do të përgjigjen para drejtësisë për veprimet e tyre kriminale."- përfundon Basha reagimin e tij .
