Vildane Zeneli e ftuar në emisionin “N’drrimi i natës” ka treguar detaje të ndryshme nga jeta e saj private dhe lidhja e fundit që ka pasur.
Ajo u shpreh se i ka dhënë fund lidhjes 4-vjeçare edhe pse sot flet ende me ish-in si të ishin shokë!
“Kemi qenë 4 vite të lidhur dhe vitin e kaluar u ndamë. Por ende flasim si të ishim bashkë”, ka deklaruar ajo.
Pavarësisht kësaj deklarate që erdhi pas shumë insistimeve të moderatorit Alaudin Hamiti, në përgjithësi Vildania u tregua e rezervuar dhe u përpoq ta mbajë larg vëmendjes së mediave jetën e saj private.
