Këshilli i Lartë i Prokurorisë (KLP) ka përzgjedhur 15 prokurorë mes kandidatëve që garonin për t’u bërë pjesë e Strukturës së Posaçme Antikorrupsion (SPAK).
Në listën e publikuar, vërehet përjashtimi i disa prokurorëve që njihen për trajtimin e dosjeve të rëndësishme dhe të bujshme, siç janë : Vladimir Mara dhe Dritan Prençi, që kanë marrë nën shqyrtim dosjen “Tahiri”, si edhe dosjen e përgjimeve për blerjen e votave në Durrës, “339”, në të cilën është i përfshirë në mënyrë të veçantë ish-kreu i Bashkisë së këtij qyteti, Vangjush Dako.
Po ashtu, është skualifikuar nga gara për SPAK-un edhe prokurori Besim Hajdarmataj, si edhe drejtuesja e Krimeve të Rënda, Donika Prela.
Sipas KLP-së, prokurorët që do të vijojnë më tej garën për në SPAK janë: Altin Dumani, Anton Martini, Elisabeta Imeraj, Arben Kraja, Doloreza Musabellui, Klodian Braho, Enkeleda Millonaj, Manjola Kajana, Edvin Kondili, Ened Nakuçi, Elida Kaçkini, Ndini Tavani, Behar Dibra, Anita Jella dhe Besnik Muçi.
Emrat e 15 kandidatëve final për SPAK-un:
Altin Dumani
Anton Martini
Elisabeta Imeraj
Arben Kraja
Doloreza Musabelliu
Klodian Braho
Enkeleda Millonaj
Manjola Kajana
Edvin Kondili
Ened Nakuçi
Elida Kaçkini
Ndini Tavani
Behar Dibra
Anita Jella
Besnik Muçi
Prokurorët që kishin dorëzuar dokumentet dhe u skualifikuan nga gara:
Besim Hajdarmataj
Donika Prela
Dorina Bejko
Dritan Prençi
Enkeleda Xhengo
Maksim Sota
Vladimir Mara
