Në Prishtinë do të mbahet festivali i famshëm “Sunny Hill”.
Festivali i cili do të mbledhë nga shtete të ndryshme yje me famë botërore si Calvin Harris, Miley Cyrus, etj, prezente do të ketë edhe shqiptaren Dua Lipa. Lajmin e konfirmoi vetë babai i Duas, Dukagjin Lipa, në emisionin “Ora 7” në “Klan Kosova” se vajza e tij do të jetë e pranishme në këtë event të famshëm që do të mbahet në datat 2, 3 dhe 4 gusht. Dua ka qenë prezente edhe edicionin e kaluar, por këtë vit rikthehet si fituese e 2 çmimeve “Grammy”, të cilat kanë shënuar një ngjitje të madhe në karrierën e saj.
