Kreu i PD-së, Lulzim Basha është takuar këtë të martë me strukturat e partisë në Berat. Ai tha para gazetarëve se ndihet falënderues për të gjithë ata që refuzuan zgjedhjet e 30 qershorit.
“Ajo që ka ndodhur në 30 qershor, nuk ka ndodhur kurrë në 3 dekada. Braktisja dhe refuzimi i Edi Ramës ka qenë në proporcione masive. Askush nuk është refuzuar si Edi Rama dhe regjimi i tij. Vetëdijësimi i shqiptarëve se 30 qershori ishte ditë për oligarkët, banditët, për shërbëtorët e Edi Ramës, por jo një ditë për qytetarët e zakonshëm”, - u shpreh Basha.
I pyetur se cili do të jetë aksioni opozitar, Basha tha se do të vazhdohet me protesta, me denoncime si dhe me shpalosjen e programit të opozitës fokusuar kryesisht tek ekonomia.
“Është koha të ndizen dritat e shpresës. Ne do të vazhdojmë me një vazhdim të qëndresës, denoncime, protestat por dhe planin tonë për të ndryshuar vendin”, - tha Basha. ©LAPSI.al
