Ka përfunduar takimi i ministrit të brendshëm, Sandër Lleshaj, me prefektët, ku u diskutua mbi konstituimin e organeve të qeverisjes vendore. Në fund të takimit, Lleshaj, paralajmëroi se ekziston rrisku i shkrirjes së një sërë institucioneve, ndërsa shtoi se do të ishte dinjitoze që lirimi i zyrave të Bashkive nga kryebashkiakët e djathtë të bëhej pa dhunë.
Lleshaj urdhëroi që strukturat e prefekturave të jenë në punë dhe në muajin Gusht, duke shtyrë kështu në kohë pushimet për në muajin shtator.
“Punonjësit e administratës duhet të angazhohen maksimalisht për të përmbushur detyrat e tyre dhe për t’u shërbyer qytetareve. Kontigjenti i administratës shteterore duhet të jetë në nivelin e duhur, kërkohet perfeksion për konstituimin e organeve të reja të pushtetit vendor.
Asnjë shërbim ndaj qytetarëve të mos cedohet aspak, të evitohen shkeljet nga ana e punonësve, prefektët të marrin të gjitha masat që i cakton ligji, kanë rol kyç në këtë proces.
Kush do dorëzoj detyrën ta dorëzoj me dinjitet dhe kush e merr detyrën ta marr atë me dinjitetin më të madh”, është shprehur Lleshaj pas përfundimit të mbledhjes.
