Pas shkarkimit të Enton Duros nga posti i drejtorit të Përgjithshëm të Tatimeve, qeveria ka miratuar drejtuesin e ri të këtij institucioni.
Mësohet se Duro do të pasohet nga Delina Ibrahimaj, e cila më parë ka qenë drejtore e Institutit të Statistikave (INSTAT).
Ibrahimaj ka fituar gradën Doktor (PhD) në degën e studimeve “Bankë dhe Financë” nga Universiteti i Romës, Tor Vergata.
Kreu i ri i Tatimeve ka punuar në Bankën e Shqipërisë dhe në Kryeministri, si koordinatore për krijimin e një sistemi të integruar shkëmbim informacionesh dhe statistikash operacionale mes instituteve shtetërore.
