Në vazhdën e denoncimeve të mëparshme për disa koncesione të dhëna nga qeveria, ish-deputeti i Partisë Demokratike, Agron Shehaj, ka publikuar në faqen e tij zyrtare në “Facebook”, një dokument që sipas tij fakton një tjetër aferë korruptive.
“Nëpermjet një procedure konkurrimi me një ofertues dhe të jashtëligjshëm, qeveria ka shpallur kompanine “Noa control” fitues të koncesionit për kontrollin e pompave të naftës. Ky tender është bërë në fshehtësi të plotë sepse gjykata ka kërkuar modifikimin e kritereve të garës.” –shkruan Shehaj në “Facebook”.
Ndër të tjera, ish-deputeti thekson se kontrolli i pompave të naftës kryhej nga shteti dhe ishte një aktivitet fitimprurës në sajë të të cilit depozitoheshin në arkën e shtetit mbi 5 milionë euro në vit.
“Kompania “Noa Control” do të investoj vetëm rreth 600.000 euro dhe nga koncesioni njëzetvjeçar do të përfitojë minimalisht 100 milionë euro nëse tarifat e kontrollit do jenë të njëjta.
Vjedhja nëpërmjet këtij koncesioni është marramendëse dhe kjo është arsyeja pse fituesi i garës së këtij koncesioni ishte i parapercaktuar.”-përmbyll Shehaj postimin e tij, ndërsa i bën thirrje Prokurorisë që të hetojë këtë aferë sipas tij korruptive dhe flagrante.
https://www.facebook.com/agronshehaj.al/posts/423583701569006
