Ditën e nesërme pritet që temperaturat të bien ndjeshëm dhe që të shtohen reshjet e shiut. Sipas Institutit të Gjeoshkencave, Energjisë, Ujit dhe Mjedisit (IGJEUM), temperaturat do të zbresin deri në 14 gradë Celsius në vendet malore, ndërsa maksimalja do të arrijë deri në 26 gradë.
Ndërkohë, rreziku për zjarre është minimal, për arsye të reshjeve dhe erërave të forta, kryesisht në zonat bregdetare.
ZJARRET NË PYJE
Sot pasdite (e shtunë, dt.13) pritet nivel “I MODERUAR’’ në qarqet Lezhë, Tiranë, Durrës, Fier, Gjirokastër dhe Vlorë dhe nivel “I ULËT” në qarqet e tjera (siç tregohet në tabelë, respektivisht për secilin qark).
Në zona të kufizuara, pritet nivel “I MODERUAR’’ në qarqet: Shkodër (Jug-Perëndim dhe Lindje), Kukës (Qendër), Dibër (Perëndim dhe Lindje), Elbasan (Perëndim dhe Lindje), Berat (Perëndim dhe Lindje), Korçë (Perëndim dhe Lindje).
Nesër (e diel, dt.14) “S’KA RREZIK” për zjarre në pyje.
PARASHIKIMI METEO
————————–
RESHJET
Sot pasdite (e shtunë, dt.13) dhe nesër (e diel, dt.14) priten reshje të dobëta dhe mesatare në të gjithë qarqet (siç tregohet në tabelë, respektivisht për secilin qark).
Gjatë pasditeve në zona të kufizuara të qarqeve, reshjet mund të marrin formën e shtrëngatës (shoqëruar me rrufe), më të mundshme në fund të ditës së sotme dhe në fillim të ditës së nesërme.
TEMPERATURAT
Nesër (e diel, dt.14) temperaturat minimale dhe maksimale të ajrit pritet të arrijnë:
në bregdet: 18 / 25 °C
në vendet e ulëta: 19 / 26 °C
në vendet malore: 14 / 21 °C
ERA
Sot pasdite (e shtunë, dt.13) dhe nesër (e diel, dt.14) era pritet të fryjë e lehtë deri mesatare dhe në disa qarqe (kryesisht bregdetare dhe jugore) pritet të fryjë deri e fortë.
