Fama duket si një mrekulli për të gjithë ata që kanë fatin ta provojnë ndjesinë që të dhuron, por gjërat nuk janë edhe aq të thjeshta. Në një rrëfim të sinqertë të dhënë së fundmi për ‘The Sun’, këngëtari Ed Sheeran ka zbuluar disa detaje që e kanë habitur publikun. Siç duket tek 28-vjeçari, fama nuk ka pasur efekt edhe aq pozitiv, pasi ka dëmtuar jetën e tij personale. “Unë e kam ngushtuar rrethin tim miqësor në 4 persona, pasi e kam shumë të vështirë t’u besoj njerëzve në këtë situatë ku jetoj. Më duket vetja si kafshët. Nëse ha në restorant duhet patjetër të marr një dhomë private, përndryshe njerëzit do më filmojnë teksa ha dhe është shumë gjë e shëmtuar. Fama më shkakton ankth”, ka rrëfyer këngëtari.
Ed Sheeran ka thyer rekorde me këngët dhe albumet e tij muzikore dhe renditet prej vitesh mes artistëve më të diskutuar dhe më të dashur nga publiku mbarë botëror.
