45-vjeçari shqiptar Fatos Xheta u arrestua 2 ditë më parë nga policia britanike. Ai akuzohet për vrasjen e bashkëshortes, Safie Xheta, 35 vjeç, e cila u gjet e vdekur në banesën e saj më 17 qershor. Pas hetimeve të para autoritetet arritën në dyshimin se vrasja ishte kryer nga bashkëshorti i saj. Këtë të premte Xheta ka dalë para gjykatës së Oxford, ku nuk ka pranuar akuzën e vrasjes. Seanca e radhës është në 29 gusht ndërsa gjyqi nis në 2 dhjetor.
35-vjeçarja u gjet e vdekur nga policia në një banesë në rrugën Lyfton rreth orës 5 të mëngjesit. Policia në fillim mendoi se ishte një vdekje natyrale por më pas panë plagë të marra nga goditja e thikës. Nga një ekzaminim mjekësor konfirmoi se shkaku i vdekjes së gruas ishte plaga me thikë në qafë që i kishte shkaktuar burri i saj. ©LAPSI.al
