Kleriku i njohur katolik, Dom Gjergj Meta, Ipeshkv i Dioqezës së Rrëshenit, shkruan se 30 qershori, dita kur u zhvilluan zgjedhjet për pushtetin vendor, është pika më e lartë e një absurdi shoqëror.
Në një postim në rrjetet sociale, Gjergj Meta shkruan, se kjo është e paprecedentë në historinë e demokracisë dhe se gjykata thjesht po legalizojnë këtë absurd.
“A po shkon Shqipëria drejt një autokracie? Këtë nuk e di, ndoshta po ndoshta jo. Por me siguri, pas 30 qershorit, jemi në pikën më të lartë të një absurdi shoqëror, paprecedent në historinë e demokracisë. Gjykatat thjesht po legalizojnë këtë absurd”, thekson kleriku i njohur katolik në reagimin e tij.
